મોરબીના કાલિકા પ્લોટમાં રહેતી પરિણીતાના ચારિત્ર્ય પર શંકા કરતા પતિ વિરુદ્ધ પોલીસ ફરિયાદ નોંધાઈ

મોરબીમાં મહિલાના ચારીત્ર્ય અંગે શંકા રાખી અવારનવાર ઘરકામ બાબતે માનશીક દુ:ખ ત્રાસ આપી મારઝૂડ કરતા પતિ સામે કાલીકા પ્લોટ શેરી નંબર-૫ માં રહેતી મહિલાએ પોલીસ ફરિયાદ નોંધાવી છે.

મળતી માહિતી અનુસાર, મોરબીના કાલીકા પ્લોટ શેરી નંબર-૫ ખાતે રહેતી અનીશાબેન હનીફભાઇ અઘામ નામની મહિલાને તેનો પતિ હનીફભાઇ કાસમભાઇ અઘામ ધરકામ બાબતે માનશીક દુ:ખ ત્રાસ આપી તેમજ અવાર નવાર નાની નાની બાબતે મેણા ટોણા મારી ઢીકા પાટુનો મુંઢમાર મારી ગાળો આપી તેમજ ચારીત્ર્ય અંગે શંકા વહેમ કરી શારીરીક અને માનસીક દુ:ખ ત્રાસ આપતા મહિલાએ આખરે કંટાળી મોરબી મહીલા પોલીસ સ્ટેશન ખાતે પોતાના પતિ વિરુદ્ધ ફરિયાદ નોંધાવી છે.