ગુજરાત વિધાનસભાની ચૂંટણી નજીક આવી રહી છે. જેને ધ્યાને લઈ મોરબી જિલ્લામાં શાંતિ જળવાઈ રહે તે માટે મોરબી જીલ્લાના પોલીસ અધિક્ષક રાહુલ ત્રિપાઠીએ પ્રોહી/ જુગારની બદીને નેસ્ત નાબુદ કરવા વધુમાં વધુ કેસો કરી અસરકારક કામગીરી કરવા પોલીસ તંત્રને સુચના કરેલ હોય જે અન્વયે ટંકારા પોલીસ સ્ટેશનની ટિમ કાર્યવાહી કરી રહી હતી. જે દરમિયાન તેઓને દારૂ અંગે બાતમી મળી હતી. જેના આધારે રેડ કરવામાં આવતા સ્થળ પરથી દારૂનો જથ્થો મળી આવ્યો હતો. તેમજ બે આરોપીઓની અટકાત કરવામાં આવી છે.
મળતી માહિતી અનુસાર, ગત તા. ૧૯/૧૦/૨૦૨૨ નાં રોજ ટંકારા પોલીસ મથકની ટીમ પેટ્રોલિંગમાં હતી ત્યારે તેઓને બાતમી મળી હતી કે,cવીરપર ગામની સીમમાં આવેલ દામજીભાઇ મોહનભાઇ બાવરવાની વાડીમાં વેચાણ માટે થઈ વિદેશી દારૂનો જથ્થો છુપાડવામાં આવ્યો છે. ત્યારે આ હકીકતને ધ્યાને લઈ પોલીસે રેડ કરતા વાડીની ઓરડીમાં બે પ્લમાસ્ટીકના બાચકામાં છૂપાવેલ કુલ રૂ.૧૬,૫૦૦/-ની કિંમતની ૫૫ નંગ ભારતીય બનાવટની પરપ્રાંતિય ઇગ્લીશદારૂની GOA Spirit of smoothness Whisky લખેલ બોટલ મળી આવી હતી. જેને લઈ પોલીસે શૈલેષભાઇ મનીયાભાઇ બારીયા તેમજ દામજીભાઇ મોહનભાઇ બાવરવાની અટકાયત કરી છે. અને બંને વિરૂદ્ધ આગળની કાર્યવાહી હાથ ધરી છે.
