હળવદના લીલાપર રોડ પાસેથી ઇકો કારમાં વિદેશી દારૂ-બિયરનો જથ્થો ઝડપાયો,ચાલક કાર રેઢી મૂકી ફરાર

હળવદ પોલીસ બાતમી મળેલ કે ગોપાલગઢ તરફથી લીલાપર ગામ તરફ ઇકો કાર રજી.નં. જીજે-૩૬-એલ-૨૨૮૬માં વિદેશી દારૂનો જથ્થો લઈને પસાર થવાનો હોય જે મુજબની બાતમીને આધારે હળવદ પોલીસ લીલાપર ગામ નજીક વોચમાં ઉભા હોય ત્યારે ઉપરોક્ત કાર ત્યાંથી પસાર થતા તેને રોકવા પ્રયાસ કરતા ઇકો કાર ચાલક પોતાના હવાલાવાળી કાર રોડ નીચે ઉતારી નાસવા લાગતા તુરંત પોલીસ દ્વારા કારનો પીછો કરવામાં આવતા એસ્ટ્રોન પેપર મીલ લીલાપર ગામ પાસે કાર ચાલક કાર રેઢી મૂકીને અંધારાનો લાભ લઇ સ્થળ ઉપરથી ભાગી છૂટ્યો હતો. ત્યારે ઇકો કારની તલાસી લેતા તેમાંથી વિદેશી દારૂની નાની બોટલ ૮૬ નંગ તથા અલગ અલગ બે બ્રાન્ડના બિયરના ૧૬૭ નંગ ટીનનો જથ્થો મળી આવ્યો હતો. ત્યારે પોલીસે ઇકો કાર સહિત ૩,૨૫,૩૦૦/-નો મુદ્દામાલ ઝડપી લઇ કાર ચાલક આરોપીને ફરાર દર્શાવી ફરાર આરોપીને પકડી પાડવા ચક્રો ગતિમાન કર્યા છે.