ટંકારાના જોધપર ઝાલા ગામે રહેણાંક મકાનમાંથી વિદેશી દારૂનો જથ્થો ઝડપાયો:આરોપી ફરાર

રાજકોટ રેન્જ આઇ.જી. અશોકકુમાર યાદવ તથા મોરબી જિલ્લા એસ.પી. રાહુલ ત્રિપાઠી દ્વારા દારૂ/જુગારની અસમાજીક પ્રવૃતિ નેસ્તનાબુદ કરવા સખત સુચના આપવામા આવેલ હોય જે અન્વયે કામગીરી કરતા દરમિયાન ટંકારા પોલીસે જોધપરઝાલા ગામે રહેણાંક મકાનમાંથી વિદેશી દારૂનો જથ્થો પકડી પાડ્યો છે.

મળતી માહિતી અનુસાર, ટંકારા પોલીસની ટીમ આજ રોજ પેટ્રોલીંગમાં હતી. તે દરમિયાન તેમને મળેલ ચોક્કસ હકિકતનાં આધારે જોધપરઝાલા ગામે આરોપી જયપાલસિંહ ખુમાનસિંહ ઝાલા (રહે. જોધપરઝાલા ગામ તા.ટંકારા જી.મોરબી)ના રહેણાક મકાને રેઇડ કરતા ભારતીય બનાવટની અલગ અલગ બ્રાન્ડની ૮૨ બોટલોનો કુલ રૂ.૨૭૮૮૦/-નો મુદામાલ મળી આવ્યો હતો. જયારે આરોપી જયપાલસિંહ ઝાલા ઘરે હાજર નહી મળી આવતા આરોપી વિરૂધ્ધ પ્રોહિબીશીન ધારા મુજબ કાયદેસરની કાર્યવાહી હાથ ધરવામાં આવી છે.