મોરબીનાં કુબેરનગરમાં રહેણાંક મકાનમાંથી વિદેશી દારૂનો જથ્થો ઝડપાયો : એકની અટકાયત

મોરબીમાં વિદેશી દારૂ ઝડપાવવાનો સિલસિલો યથાવત રહ્યો છે. મોરબી સિટી એ ડિવિઝન પોલીસે ગઈકાલે બાતમીનાં આધારે મોરબીનાં કુબેરનગર વિસ્તારમાં એક રહેણાંક મકાનમાં રેઈડ કરી ભારતીય બનાવટની વિદેશી દારૂની બોટલોનો મુદ્દામાલ કબ્જે કરી કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી સીટી એ ડિવીઝન પોલીસનની ટીમે બાતમીના આધારે મોરબીનાં કુબેરનગર પાર આવેલ અશ્વીનભાઈ ઉર્ફે અરવિદભાઈ રામભાઈ ચાવડાના રહેણાક મકાનમાં રેઇડ કરી ગેર કાયદેસર પાસ પરમીટ કે આધાર વગર પોતાના કબ્જા ભોગવટા વાળા રહેણાક મકાનમા ભારતીય બનાવટની વિદેશી દારૂની રોયલ ચેલેન્જ પ્રીમીયમ ડીલક્ષ વ્હીસ્કીની 12 બોટલનો રૂ.6240/- તથા એન્ટીક્યુટી બ્લુ અલ્ટ્રા પ્લેટીનીયમ વ્હીસ્કીની 8 બોટલનો રૂ.6800/-એમ કુલ 20 બોટલનો કુલ રૂ.13,040/-નો મુદામાલ કબ્જે કરી આરોપીની અટકાયત કરી છે.