મોરબી સીટી એ ડિવીઝન પોલીસે બાતમીના આધારે કબીર ટેકરી પાસે આવેલ રામદેવપીરના મંદિર પાછળ શેરી નંબર-૫માં આવેલ વોકળાના કાંઠે રેઈડ કરી ત્યાં છુપાડેલ વિદેશી દારૂનો જથ્થો ઝડપી પાડ્યો હતો. જયારે આરોપી સ્થળ પર હાજર મળી ન આવતા તેને પકડવા ચક્રો ગતિમાન કરવામાં આવ્યા છે.
મળતી માહિતી અનુસાર, મોરબી સીટી એ ડિવીઝન પોલીસની ટીમ પેટ્રોલિંગમાં હતી. ત્યારે તેઓને બાતમી મળી હતી કે, કબીર ટેકરી પાસે આવેલ રામદેવપીરના મંદિર પાછળ શેરી નંબર-૫માં આવેલ વોકળાના કાંઠે એક ઈસમ જાહેરમાં વિદેશી દારૂનું વેચાણ કરે છે. જે હકીકતના આધારે પોલીસે સ્થળ પર રેઈડ કરી રોયલ ચેલેન્જ ફાઈન રિઝર્વ વ્હીસ્કીની ૭૫૦ એમ.એલ.ની ૧૨ બોટલ તથા બ્લેડન્ડર પ્રાઇડ વ્હીસ્કીની ૭૫૦ એમ.એલ ની ૧૨ બોટલ એમ કુલ ૨૪ બોટલનો રૂ.૧૫,૮૪૦/-નો મુદામાલ કબ્જે કર્યો હતો. જયારે આરોપી સાહિલ સીદીકભાઇ ચાનીયા (રહે.મોરબી વાધપરા શેરી નંબર-૧૦) હાજર મળી ન આવતા તેને પકડવા ચક્રો ગતિમાન કરવામાં આવ્યા છે.
