મોરબીમાં તહેવારો નજીક આવતા બુટલેગરો દ્વારા વિદેશી દારૂનો સંગ્રહ કરવામાં આવી રહ્યો છે. જેના પર મોરબી જિલ્લા પોલીસ એક બાદ એક રેઈડ કરી મોટી માત્રામાં વિદેશી દારૂનો જથ્થો કબ્જે કરી રહી છે. ત્યારે ગઈકાલે મોરબી સીટી બી ડિવિઝન પોલીસે ધુતારીની વાડી, ગાયત્રી આશ્રમની પાછળ રેઈડ કરી વિદેશી દારૂનો જથ્થો કબ્જે કર્યો છે.
મળતી માહિતી અનુસાર, મોરબી સીટી બી ડિવિઝન પોલીસની ટીમે ગઈકાલે ધુતારીની વાડી, ગાયત્રી આશ્રમની પાછડ, નવલખી બાયપાસ પાસે બાતમીનાં આધારે રેઈડ કરી સ્થળ પરથી દીપકભાઇ સુરેશભાઇ આત્રેસીયા (રહે- ધુતારીની વાડી, ગાયત્રી આશ્રમની પાછડ, નવલખી બાયપાસ મોરબી-૨) નામના શખ્સે ગેર કાયદેસર છુપાળેલ ભારતીય બનાવટની વિદેશી દારૂની રોયલ સ્ટેગ સુપરીઅર વ્હિસ્કીની ૭૫ બોટલોનો રૂ.૭,૫૦૦/-નો મુદ્દામાલ કબ્જે કર્યો છે. જયારે આરોપી પોલીસને આવતી જોઈ જતા સ્થળ પરથી ફરાર થયો હતો. જેને લઈ પોલીસે આરોપીને વોન્ટેડ જાહેર કરી તેને પકડવા ચક્રો ગતિમાન કર્યા છે.
