મોરબીમાં રહેણાક મકાનમાંથી દારૂનો જથ્થો ઝડપાયો

મોરબી વાવડી રોડ પર રહેતા આરોપીના રહેણાક મકાનમાં પોલીસે રેઇડ પાડી ૬૦ બોટલ દારૂનો જથ્થો ઝડપી પાડ્યો હતો.

આ અંગે મોરબી સીટી એ ડિવીઝન પોલીસ મથકેથી જાણવા મળતી વિગત અનુસાર મોરબીના કિષ્ના પાર્કમાં રહેતો રફીકભાઈ ઉસ્માનભાઈ અજમેરી (ઉ.વ.૪૩) ના મકાનમાં દારૂનો જથ્થો સંગ્રહયો હોવાની બાતમી મળતા પોલીસ દોડી ગઈ હતી આ દરમીયાન અલગ અલગ બ્રાન્ડની ઈગ્લીસ દારૂની ૬૦ બોટલ કિ.રૂ.૨૫૯૮૦નો મુદામાલ પકડ્યો હતો જેની પૂછપરછમાં આ દારૂ આરોપી જીતરાજસિંહ ક્રિપાલસિંહ ગોહીલ (ઉ.વ.૨૧ રહે હાલ શ્રધ્ધા પાર્ક નવલખી રોડ મોરબી મુળ રહે આમલા ગામ તા.શીહોર જી ભાવનગર)એ અલ્ટો કાર રજી નં.જીજે-૦૬-બીએ-૧૭૨૫ કિ રૂ ૧,૦૦,૦૦૦ આપ્યો હોવાનું ખુલતા પોલીસે બન્ને વિરુદ્ધ ગુન્હો નોંધી તપાસ હાથ ધરી છે.