મોરબીનાં લીલાપર રોડ પાસે પુરપાટ ઝડપે જતા ટ્રકે પાંચ ગાયોને હડફેટે લીધી હતી. જેના કારણે ત્રણ ગાયોના ઘટનાસ્થળે જ મોત નિપજ્યા હતા. જયારે બે ગયો ગંભીર રીતે ઘવાતા એનિમલ હેલ્પ લાઈનની મદદથી તેઓને સારવારમાં ખસેડવામાં આવી છે.
મળતી માહિતી અનુસાર, મોરબીના લીલાપર રોડ બોરીચાવાસ ખાતે રહેતા કમલેશભાઈ ભગવાનભાઈ રૂંજાએ ફરિયાદ નોંધાવી હતી કે ગત તા-૦૩/૦૮/૨૦૨૩ ના રાત્રીના સમયે લીલાપર રોડ બોરીયા પાટીના નાલા રોડ ઉપર ચરી રહી હતી. ત્યારે જીજે.૦૫.બીવી.૧૧૫૦ નંબરના ટ્રકનાં ચાલકે પોતાનું ટ્રક બેદરકારીથી પુરઝડપે અને ગફલતભરી રીતે ચલાવી રોડ પર ગાયોને ટક્કર મારતા ત્રણ ગાયોને ગંભીર ઇજાઓ પહોંચતા તેમનું મોત નીપજ્યું હતું. જ્યારે બે ગાયોને શરીરે ઇજા પહોંચતા તેમને સારવારમાં ખસેડવામાં આવી છે. આમ ટ્રક ચાલકે કમલેશભાઈ ભગવાનભાઈ રૂંજાનું આશરે ૩૦,૦૦૦/-નું નુકશાન કરતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ છે.
