વાંકાનેરમાં અજીબો ગરીબ ઘટના સામે આવી છે. જેમાં વાંકાનેરના વાલાસણ ગામે એક ભેંસ છુટી ને ફરીયાદી ની બાંધેલી ભેંસ પાસે આવી ને તે ભેંસ નો ખીલ્લો તોડાવી બન્ને ભેંશ આરોપીઓના ઘર તરફ ચાલી ગઈ જેથી ફરીયાદી પોતાની ભેંસ ને લેવા ભેંસની પાછળ ગયા તો બે મહિલા સહિતના ચાર ઈસમોએ હુમલો કર્યો હતો. મામલે યુવતીએ ચાર આરોપીઓ વિરુદ્ધ વાંકાનેર તાલુકા પોલીસ સ્ટેશનમાં ફરિયાદ નોંધાવી છે.
મળતી માહિતી અનુસાર, વાંકાનેરનાં વાલાસણ ગામે રહેતી દિનારબેન રસુલભાઇ માણસીયા નામના મહિલાની ભેંસોના ખિલ્લે તેમના પડોસીઓની ભેંસ છુટીને આવી અને બાદમાં ફરીયાદી મહિલાની ભેંસનો ખીલ્લો તોડાવતા ફરીયાદી ની ભેંસ છુટી જતા ફરીયાદી ની ભેંસ પાછળ પાડોસીઓનાં ફળીયામાં જતા મદીનાબેન અબ્દુલભાઇ માણસીયા, રોશનબેન અબ્દુલભાઇ માણસીયા, સીકંદર અબ્દુલભાઇ માણસીયા તથા અબ્દુલભાઇ અલાઉદીનભાઇ માણસીયા (રહે. ચારેય વાલાસણ, તા.વાંકાનેર)એ ગાળો આપી, ઢીકાપાટુનો મુંઢ માર મારી, તેમજ સીકંદરે લોખંડનું આડુ લઇ ફરીયાદી મહિલાને કેડમાં મારી મુંઢ ઇજા કરતા સમગ્ર મામલે વાંકાનેર તાલુકા પોલીસ સ્ટેશનમાં ચારેય ઈસમો વિરુદ્ધ ફરિયાદ નોંધાઈ છે.
