મોરબી જિલ્લામાં સમયાંતરે અવાર-નવાર દેશી તથા વિદેશી દારૂ ઉપર પોલીસ તંત્ર દ્વારા ધોંસ બોલાવી, મુદ્દામાલ સાથે આરોપીઓની ધરપકડ કરવામાં આવે છે. ત્યારે ગઈકાલે મોરબી સીટી બી ડિવીઝન પોલીસની ટીમે બાતમીના આધારે ટીંબાવાળી મેલડી મંદિર પાછળના ભાગે આવેલ કાલીન્દ્રી નદીના કાંઠે ધમધમતી દેશી દારૂની ભઠ્ઠી ઝડપી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી સીટી બી ડિવીઝન પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, ટીંબાવાળી મેલડી મંદિર પાછળના ભાગે આવેલ કાલીન્દ્રી નદીના કાંઠે દેશી દારૂની ભઠ્ઠી ધમધમી રહી છે. જે હકીકતના આધારે પોલીસે સ્થળ પર રેઈડ કરી ૫૦ લીટર ગરમ આથો, ૪૦૦ લીટર ઠંડો આથો, ૩૪ લીટર દેશીદારૂ તથા ભઠ્ઠીના સાધનો મળી કુલ રૂ.૩,૩૩૦/-નો મુદ્દામાલ કબ્જે કર્યો છે. જયારે આરોપી કિશોરભાઇ લાભુભાઇ કગથરા (રહે લાભનગર વેજીટેબલ રોડ મોરબી-૨) સ્થળ પરથી નાશી જતા સમગ્ર મામલે મોરબી સીટી બી ડિવીઝન પોલીસે ફરિયાદ દાખલ કરી કાયદેસરની કાર્યવાહી હાથ ધરી છે.
