ગુજરાતમાં વિધાનસભા ચૂંટણીની તારીખનું બ્યૂગલ વાગી ચૂક્યું છે. તારીખો જાહેર થઈ ચૂકી છે, આચાંર સંહિતા અમલી બની ગઈ છે. તેમજ આજથી ચૂંટણી અંગેનું જાહેરનામું અમલી બનતા જ ઉમેદવારી પત્ર ઉપાડવાનું શરુ થઈ ગયું છે, તેમજ ઉમેદવારી પત્ર ભરવાની પ્રક્રિયા શરૂ થઈ છે. ત્યારે મોરબી જિલ્લામાં કુલ ત્રણ બેઠકો આવેલી છે. જેમાં કુલ મળી કોંગ્રેસ, બસપા, આપ અને અપક્ષ ઉમેદવારોએ કુલ ૧૧ ફોર્મ ઉપડ્યા હતા.
વિધાનસભા ચૂંટણીના પ્રથમ તબક્કામાં આજેથી ઉમેદવારીપત્રો ભરવાની પ્રક્રિયા શરુ થતા જ મોરબી -માળીયા બેઠક માટે કુલ ૧૧ ફોર્મ ઉપડ્યા હતા જેમાં કોંગ્રેસના મહેશભાઈ રાજ્યગુરૂ, આદમી પાર્ટીના રાજેશ પટેલ, પંકજ રાણસરીયા, બસપાના કિશોરભાઈ વણોલ અને અપક્ષ ઉમેદવાર સિરાજ પોપટિયા, વિવેક મીરાણી, રામજીભાઈ મજેઠીયા, નવીનભાઈ ઘુમલીયા, સાવન પાંચોટિયા અને મનીષકુમાર પટેલે ઉમેદવારી પત્ર મેળવ્યા હતા. આ ઉપરાંત વાંકાનેર બેઠક ઉપર એક અપક્ષ ઉમેદવારે ઉમેદવારીપત્ર મેળવ્યું હતું.
