મોરબી માળિયા હાઇવે પર કોલસા ભરેલ ટ્રકમાં લાગી આગ : જોત જોતામાં ટ્રક થયો ભસ્મીભુત

મોરબી માળિયા હાઇવે પર હરીપર નજીક આગજનીની ઘટના સામે આવી છે. જેમાં કોલસા ભરેલ ટ્રકમાં આગ લાગતા નાશભાગ મચી જવા પામી હતી.

મળતી માહિતી અનુસાર, મોરબી માળિયા હાઇવે પર હરીપર નજીક કોલસા ભરેલ ટ્રકમાં આગ લાગી હતી. આજે સવારે મોરબી માળીયા નેશનલ હાઇવે પર આવેલ હરીપર ગામ નજીક બ્રિજ પર કોલસા ભરેલ ટ્રકમાં અચાનક આગ ભભુકી ઉઠતા નાશભાગ મચી જવા પામી હતી. અને જોત જોતામાં આખો ટ્રક આગમાં ભસ્મીભુત થયો હતો. જોકે સદનસીબે જાનહાની ટળી હતી. તેમજ બનાવની જાણ થતા મોરબી ફાયરની ટીમ ઘટનાસ્થળે પહોંચી હતી અને આગ પર કાબૂ મેળવ્યો હતો.