મોરબીના વાવડી રોડ ઉપરથી વર્લીભક્ત ઝડપાયો,કપાત એજન્ટનું નામ ખુલ્યું

મોરબી સીટી એ ડિવિઝન પોલીસ ટીમ પેટ્રોલિંગમાં હોય તે દરમિયાન વાવડી રોડ ગાયત્રીનગર-૪ વિસ્તારમાં એક ઈસમ કાગળમાં અલગ અલગ વર્લીફીચર્સના આંકડાઓ લખી નસીબ આધારિત પૈસાની હારજીતનો જુગાર રમતો રંગેહાથ ઝડપાઇ ગયો હતો, જેથી તુરંત આરોપી રાજેશભાઇ ઘોઘાભાઈ વાઘાણી ઉવ.૪૩ રહે.મોરબી વાવડી રોડ ગાયત્રીનગર શેરી નં.૪ વાળાની રોકડા રૂ.૧,૮૦૦/- સાથે અટક કરી હતી, પકડાયેલ આરોપીની સઘન પૂછતાછમાં વર્લી ફીચર્સના આકડાના જુગાર રમવાનું કટીંગ હળવદ તાલુકાના સુંદરગઢ ગામના મુન્નાભાઈ કોળી પાસે કરાવતો હોવાની કબુલાત આપી હતી, જેથી તે આરોપીને ફરાર દર્શાવી બંને વિરુદ્ધ એ ડિવિઝન પોલીસ મથક ખાતે જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.