મોરબી પંચાસર રોડ પર ટ્રક હેડફેટે આવી જતાં મહિલાનું ઘટનાસ્થળે જ કમકમાટી ભર્યું મોત

મોરબીમાં માર્ગ અકસ્માતની વધુ એક ઘટના સામે આવી છે. જેમાં પુરપાટ ઝડપે જતા ડમ્પરે મહિલાને હડફેટે લેતા તેમનું ઘટનાસ્થળે જ મોત નીપજ્યું હતું.

મળતી માહિતી અનુસાર, મોરબી પંચાસર રોડ પર આવેલ રાધા ક્રિષ્ના સોસાયટીમાં રહેતા કંકુબેન રમણીકભાઇ ડાભી દરણું દળાવવા માટે ઘંટીએ ગયા હતા. જ્યાંથી પરત ફરતી વેળાએ તેમને કાળ ભરખી ગયો હતો. મહિલાને ઘરે આવતી વખતે ડમ્પર ચાલકે હડફેટે લેતા ડમ્પરનાં ઝોટામાં આવી જતા મહિલાનું ઘટનાસ્થળે જ કમકમાટી ભર્યુ મોત નીપજ્યું હતું. ત્યારે બનાવને પગલે મોરબી સીટી એ ડિવિઝન પોલીસ કાફલો ઘટનાસ્થળે પહોંચ્યો હતો અને મહિલાના મૃતદેહને પોસ્ટમોર્ટ માટે સિવિલ હોસ્પિલ ખસેડી આગળની કાર્યવાહી હાથ ધરી હતી.