ગુમ થયેલ મહિલા જો કોઈને મળી આવે કે કોઈના ધ્યાન એ આવે તો મોરબી તાલુકા પોલીસ મથક લેન્ડ લાઈન નંબર ૦૨૮૨૨-૨૪૨૫૯૨ તેમજ તપાસ કરનાર અધિકારી એસ.વી.સોલંકી મો. નં.૭૯૯૦૨ ૪૮૪૮૨ પર સંપર્ક કરવા અપીલ કરાઇ
મોરબીનાં લીલાપર ગામ ખાતે રહેતી મહિલા તેની બે બાળકીઓ સાથે ગુમ થયાની ગુમશુદા નોંધ મોરબી તાલુકા પોલીસ સ્ટેશનમાં દાખલ કરવામાં આવી છે. જેમાં પત્ની બંને બાળકીઓ સાથે ગત તા-૨૪/૧૨/૨૦૨૩ ના રોજ નીકળી ગઈ હોવાનું ગુમ મહિલાના પતિ દ્વારા જણાવવામાં આવ્યું હતું.
મોરબી તાલુકા પોલીસ સ્ટેશનમાં કરવામાં આવેલ નોંધ મુજબ, મોરબીનાં લીલાપર ગામ ગુરૂદેવ સોસાયટી રામજી મંદિરની બાજુમાં રહેતી મૂળ રવાપર ગામની ડોલીબેન પરેશભાઇ અગ્રાવત (ઉ .૨૬) તથા હીર પરેશભાઇ અગ્રાવત (ઉ.૮)અને ક્રિષા પરેશભાઇ અગ્રાવત (ઉ.૩) ગત તા-૨૪/૧૨/૨૦૨૩ ના બપોરના સમયે મોરબી તાલુકાના લીલાપર ગામ ગુરુદેવ સોસાયટી રામજી મંદીરની બાજુમાં આવેલ પોતાના ઘરેથી કોઇને કંઇ કહયા વગર નીકળી ગયેલ હોય જેમાં ડોલીબેન શરીરે ઘઉં વર્ણની મધ્યમ બાંધાની હોય અને તેમની ઉચારઇ આશરે ૫ ફુટની છે, જેમના જમણા હાથ ઉપર ત્રાજવુ ત્રોફાવે છે. તેમજ હીર અગ્રાવત શરીરે પાતળા બાંધાની રંગે ઘઉં વર્ણની હોય જેની ઉંચાઇ આશરે ૩ ફુટની છે. તેમજ ક્રિષા શરીરે મધ્યમ બાંધાની વાને ઘઉં વર્ણની ઉચાઇ આશરે ૨ ફુટની છે. જેથી મહિલા તથા તેની બે દિકરીઓ ગુમ થયા અંગે મોરબી તાલુકા પોલીસ સ્ટેશનમાં નોંધ કરવામાં આવી છે.તેમજ પોતાની બન્ને બાળકીઓ સાથે ગુમ થયેલ મહિલા જો કોઈને મળી આવે કે કોઈના ધ્યાન એ આવે તો મોરબી તાલુકા પોલીસ મથક લેન્ડ લાઈન નંબર ૦૨૮૨૨-૨૪૨૫૯૨ તેમજ તપાસ કરનાર અધિકારી એસ.વી.સોલંકી મો. નં.૭૯૯૦૨ ૪૮૪૮૨ પર સંપર્ક કરવા જણાવવામાં આવ્યું છે.
