મોરબીમાં શેરી વાળવા બાબતે થયેલ બોલાચાલીમાં મહિલા પર થયો ઘાતકી હુમલો

મોરબીમાં મારામારીની વધુ એક ઘટના સામે આવી છે. જેમાં મારૂતી પાર્ક ગાયત્રી નગર વાવડી રોડ પર શેરી વાળવા બાબતે થયેલ બોલાચાલીમાં મહિલા પર બે ઈસમોએ લાકડાના ધોકા વતી હુમલો કરતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરાવવામાં આવી છે.

મળતી માહિતી અનુસાર, મોરબીમાં મારૂતી પાર્ક ગાયત્રી નગર વાવડી રોડ પર રહેતા સુંભાગીબેન પ્રદીપસિંહ ડોડીયા સાથે પાયલબેન વિશાલભાઇ લાવડીયા તથા વિશાલભાઇ લાવડીયા (બન્ને રહે- મારૂતી પાર્ક ગાયત્રી નગર વાવડી રોડ તા.જી.મોરબી)એ શેરી વાળવા બોલાચાલી ઝગડો કરી પાયલબેને ફરિયાદીને ગાળો આપી લાકડાના ધોકા વતી માથાના ભાગે ઇજા કરી તથા ઢીકા પાટુનો માર મારી ફરિયાદીને ઇજા કરતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરાવવામાં આવી છે.