ટંકારાના હમીરપર નજીક કારખાનામાં ચક્કર આવતા પડી ગયેલા શ્રમિકનું મોત નીપજ્યું

ટંકારા તાલુકાના હમીરપર નજીક કારખાનામાં કામકાજ દરમિયાન ચક્કર આવતા પડી ગયેલા શ્રમિકનું ઘટનાસ્થળે જ મોત નીપજ્યું હોવાનું સામે આવ્યું છે.

હમીરપર પાટીયા પાસે આવેલ પ્લેઝર પોલિપેક નામના કારખાનામા શ્રમિક મનિષ ઇન્દ્રભાઇ પાલ (ઉ.વ.૧૮) કામ કરતા હતા આ દરમિયાન તેઓને એકાએક ચકકર આવતા તે નીચે પડી ગયા હતા. ત્યારબાદ તેને હોસ્પિટલ ખાતે સારવાર અર્થે લઈ જવાયા હતા પરંતુ સારવાર મળે તે પહેલા જ તેનું મોત નીપજ્યું હોવાનું પડધરી સરકારી હોસ્પિટલના તબીબે જાહેર કર્યું હતું. જે ને પગલે ટંકારા પોલીસે મૃત્યુ અંગે નોંધ કરી આગળની કાર્યવાહી હાથ ધરી છે.