મોરબીના અમૃતપાર્કમાંથી એક વર્લીભક્ત ઝડપાયો:એકનું નામ ખુલ્યુ

મળતી માહિતી અનુસાર મોરબી ક્રાઇમ બ્રાંચ ટીમ પેટ્રોલિંગમાં હોય તે દરમિયાન ખાનગીરાહે મળેલ બાતમીને આધારે મોરબી સેન્ટમેરી સ્કૂલ નજીક આવેલ રણછોડનગર અમૃતપાર્કમાંથી વર્લી ફિચર્સના આંકડાનો જુગાર રમતા સંજય જલાભાઇ જંજવાળીયા ઉવ.૩૪ રહે.મોરબી રણછોડનગર અમૃતપાર્કને ઝડપી લેવામાં આવ્યો હતો. પોલીસે સ્થળ ઉપરથી વર્લી ફિચર્સના આંકડાનો જુગાર રમવાના સાહિત્ય, રોકડ રૂ.૨,૧૫૦/- તથા એક મોબાઇલ મળી કુલ કુલ રૂ.૭,૧૫૦/-ના મુદામાલ કબ્જે લેવામાં આવ્યો હતો. આ સાથે પકડાયેલ આરોપીની સઘન પૂછતાછમાં વર્લી આકડાનું કપાત રણછોડનગર વિસ્તારમાં રહેતા જીવરાજભાઈ કોળી પાસે કરાવતો હોવાની હકીકત જણાવતા તે આરોપીને ફરાર દર્શાવી બંને આરોપી વિરુદ્ધ જુગારધારા હેઠળ ગુનો નોંધી આગળની તપાસની તજવીજ શરૂ કરી હતી.