હળવદ-ધ્રાંગધ્રા હાઇવે રોડ, માર્કેટીંગ યાર્ડ સામે ગમખ્વાર અકસ્માત સર્જાયો હતો. જેમાં એક અજાણ્યા વાહન ચાલકે પોતાનું વાહન પુરપાટ ઝડપે ચલાવી એક યુવકને હડફેટે લેતા યુવકનું મોત નીપજ્યું હતું. જે સમગ્ર મામલે યુવકનાં પત્ની દ્વારા હળવદ પોલીસ સ્ટેશનમાં ફરિયાદ દાખલ કરાવવામાં આવી હતી.
મળતી માહિતી અનુસાર, હળવદમાં ગડવાવ ગામની સીમમાં જગાભાઇ પસવાભાઇની વાડીયે રહેતા મૂળ જાંબવાનાં રાજુભાઇ ભુરીયા નામના યુવક ગત તા.૧૦/૧૦/૨૦૨૩ના રોજ રાત્રીના સમયે હળવદ-ધ્રાંગધ્રા હાઇવે રોડ, માર્કેટીંગ યાર્ડ સામેથી પસાર થઈ રહ્યા હોય ત્યારે કોઈ અજાણ્યા વાહન ચાલકે યુવકને હડફેટે લેતા યુવક ગંભીર રીતે ઘવાયો હતો. જેને કારણે તેનું મોત નીપજ્યું હતું. તેમજ આરોપી પોતાનું વાહન લઇ ફરાર થઈ જતા સમગ્ર મામલે મૃતકના પત્ની અનિતાબેન રાજુભાઇ ભુરીયા દ્વારા હળવદ પોલીસ સ્ટેશનમાં અજાણ્યા વાહન ચાલક વિરુધ્ધ ફરિયાદ દાખલ કરાવવામાં આવી છે.
