વાંકાનેરમાં માર્ગ અકસ્માતમાં વધુ એક યુવકનો ભોગ લેવાયો છે. જેમાં પુરપાટ ઝડપે જતી બુલેટ મોટરસાઇકલ ડીવાઇડરની લોખંડની ગ્રીલ સાથે ભટકાતા મોટરસાઈકલ સ્લીપ થતા ગંભીર રીતે ઘવાયેલ યુવકને સારવારમાં ખસેડવામાં આવ્યો હતો. જેનું સારવાર દરમિયાન મોત નિપજતા સમગ્ર મામલે વાંકાનેર સીટી પોલીસ સ્ટેશન ખાતે ફરિયાદ દાખલ કરવામાં આવી છે.
મળતી માહિતી અનુસાર, વાંકાનેરનાં લાકડધાર ગામે રહેતો હરેશભાઇ ધરમશીભાઇ સાપરા નામનો યુવક ગત તા.૨૧/૦૯/૨૦૨૩ ના સાંજના સમયે પોતાનું .GJ-36-J-9888 નંબરનું બુલેટ મોટરસાઈકલ લઈ વાંકાનેર તરફથી મોરબી તરફ જતા રોડ પર રાણેકપર ગામના પાટીયા પાસે રોડ ઉપર રોંગ સાઇડમાં પુરઝડપે અને બેફીકરાઈથી ચલાવતા મોટર સાઈકલ રોડ ઉપર ડીવાઇડરની લોખંડની ગ્રીલ સાથે ભટકાતા મોટર સાઈકલ સ્લીપ થઈ જતા ડીવાઇડર સાથે માથુ ભટકાતા મોટર સાઈકલ સહિત રોડ પર પડી જતા માથાના ભાગે તથા છાતીના ભાગે ગંભીર ઇજા થતા તે ચાલુ સારવાર દરમિયાન યુવકનું મોત નિપજતા મૃતકનાં ભાઈ દ્વારા સમગ્ર મામલે વાંકાનેર સીટી પોલીસ સ્ટેશનમાં ફરિયાદ દાખલ કરાવવામાં આવી છે.
