મોરબીનાં યુવકે ઓલ ઇન્ડિયા ઇન્સ્ટિટયૂટ ઓફ મેડિકલ સાયન્સની પરીક્ષામાં ૧૦૧મો રેન્ક મેળવ્યો

ઓલ ઇન્ડિયા ઇન્સ્ટિટ્યૂટ ઓફ મેડિકલ સાયન્સનું પરિણામ જાહેર થયું છે. જેમાં શ્રી આર્ય તેજ ઇન્સ્ટિટયૂટ ઓફ નર્સિંગ મોરબીમાં નર્સિંગ્યુટર તરીકે ફરજ બજાવતા મૂળ ટંકારના યુવકે ૧૦૧ રેન્ક મેળવી ઓલ ઇન્ડિયા લેવલ પર મોરબીનો ડંકો વગાડ્યો છે.

મળતી માહિતી અનુસાર, શ્રી આર્ય તેજ ઇન્સ્ટિટયૂટ ઓફ નર્સિંગ મોરબીમાં નર્સિંગ્યુટર તરીકે ફરજ બજાવતા અને મૂળ ટંકારાના વતની દિનેશભાઈ લશ્કરીના પુત્ર પવન લશ્કરીએ ઓલ ઇન્ડિયા ઇન્સ્ટિટયૂટ ઓફ મેડિકલ સાયન્સની પરીક્ષામાં ઓલ ઇન્ડિયામાં ૧૦૧ મો રેન્ક પ્રાપ્ત કર્યો છે. અને શ્રી આર્ય તેજ ઇન્સ્ટિટયૂટ ઓફ નર્સિંગ મોરબી અને ટંકારા ગામનું ગૌરવ વધારેલ છે. જેને લઈ પવન લશ્કરીને નર્સિંગ કોલેજના ડાયરેક્ટર રમેશભાઈ કૈલા અને ચેર પર્સન પ્રસાદ ગોરીયા દ્વારા ૧૫ મી ઓગસ્ટના રોજ બેસ્ટ એચીવર ફોર એવરના એવોર્ડથી સન્માનિત કરવામાં આવ્યો હતો.