મોરબીમાં બાઈક પર બેસેલ યુવકનું નીચે પટકાતા ટૂંકી સારવાર બાદ મોત

મોરબીના નવલખી રોડ રણછોડનગર -૨ બ્લોક નં ૨૧ ખાતે રહેતા કુલદીપસિંહ નરપતસિંહ રાણા નામના યુવક ગઈકાલે પોતાના ધરે ઉભેલ મોટર સાયકલ પર બેસેલ હોય ત્યારે અચાનક મોટરસાઇકલ ઉપરથી કોઇ કારણોસર પડી જતા તેમને માથાના ભાગે ગંભીર ઈજાઓ પહોચી હતી. જેના કારણે યુવકને તેના પરિવારજનો દ્વારા તાત્કાલિ મોરબી આયુષ હોસ્પિટલ ખાતે સારવારમાં ખસેડ્યો હતો. જ્યાં પ્રાથમીક સારવાર આપ્યા બાદ હાલત વધુ નાજુક જણાતા તેને વધુ સારવાર માટે રાજકોટ સરકારી હોસ્પિટલમાં દાખલ કરવામાં આવ્યો હતો. જ્યાં તેનું ટૂંકી સારવાર બાદ મોત નિપજતા ફરજ પર હાજર ડોક્ટરે યુવકને મૃત જાહેર કરી સમગ્ર મામલે મોરબી સીટી બી ડિવીઝન પોલીસ સ્ટેશનમાં અકાળે મોતની નોંધ કરાવી હતી.