વાંકાનેર નજીક આવેલ વાડીમાંથી વિદેશી દારૂની ૫૬ બોટલ સાથે વાડી-માલિક યુવકની ધરપકડ

વાંકાનેર નજીક આવેલ વાડી-ખેતરમાં પોલીસે પૂર્વ બાતમીને આધારે દરોડો પાડી વિદેશી દારૂની અલગ અલગ બ્રાન્ડની શીલપેક ૫૬ નંગ બોટલ સાથે વાડી-માલિક યુવકની સ્થળ ઉપરથી ધરપકડ કરવામાં આવી હતી. આ સાથે પોલીસે આરોપી સામે વાંકાનેર સીટી પોલીસ મથકમાં પ્રોહી. હેઠળ કેસ દાખલ કરી આગળની તપાસની તજવીજ હાથ ધરી છે.

મળતી માહિતી અનુસાર વાંકાનેર સીટી પોલીસે બાતમીના આધારે વાંકાનેરના નિર્મલ કોન્વેડસ્કુલની પાછળ આવેલ વિશાલભાઈ સોલંકીની વાડી-ખેતરમાં દરોડો પાડતા વિદેશી દારૂની અલગ અલગ બ્રાન્ડની કુલ ૫૬ બોટલ કિ.રૂ.૨૫,૨૮૦/- મળી આવતા તેને કબ્જે લીધી હતી. ત્યારે પોલીસે સ્થળ ઉપરથી આરોપી વિશાલભાઈ રાજેશભાઈ સોલંકી ઉવ.૨૩ રહે.વાંકાનેર દિવાનપરા પુજાપાન સામેની શેરીની અટકાયત કરી વાંકાનેર સીટી પોલીસ મથકમાં ગુનો રજી. કરી ધોરણસરની કાર્યવાહી હાથ ધરી છે.