વાંકાનેરના ગાત્રાળ નગર(સિધાવદર) ગામ નજીક લોડિંગ રીક્ષા હડફેટે બાઇક-ચાલક ૨૦ વર્ષીય યુવકનું મૃત્યુ નિપજ્યાનો બનાવ સામે આવ્યો હતો, ત્યારે મૃતક યુવકના ભાઈની ફરિયાદના આધારે વાંકાનેર તાલુકા પોલીસે આરોપી લોડિંગ રીક્ષા-ચાલક વિરુદ્ધ ધોરણસરની કાર્યવાહી હાથ ધરી છે.
મળતી માહિતી મુજબ વાંકાનેરના સિંધાવદર ગામે રહેતા ૨૦ વર્ષીય યુવક ગૌતમ નાથાભાઇ રાઠોડ ગઈ તા.૦૨/૧૧ના રોજ વાંકાનેરથી સિંધાવદર બાઇક રજી.નં. જીજે-૩૬-એકે-૦૯૭૮ લઈને જતો હોય ત્યારે ગાત્રાળનગર(સિંધાવદર) નજીક આવેલ વડાલના નાલા પાસે સામેથી લોડિંગ રીક્ષા રજી.નં. જીજે-૩૬-ડબલ્યુ-૧૪૯૪ના ચાલકે પોતાની લોડિંગ રીક્ષા પુરઝડપે ચલાવી સામેથી આવતા બાઇકને ઠોકરે ચડાવતા બાઇક ચાલક ગૌતમભાઈને માથામાં તથા કપાળમાં ગંભીર ઇજાઓ પહોંચતા ગૌતમભાઈનું સ્થળ ઉપર જ મૃત્યુ નીપજ્યું હતું, હાલ મૃતક યુવકના ભાઈ હિતેષભાઈ નાથાભાઇ રાઠોડ દ્વારા નોંધાવવામાં આવેલ ફરિયાદના આધારે વાંકાનેર તાલુજ પોલીસે ઉપરોક્ત લોડિંગ રીક્ષાના ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી છે.
