મોરબીમાં નાની વાવડી સાધુ વાસવાણી સોસાયટીમાં ફટાકડા ફોડતા યુવકનો ફટાકડો ભૂલથી ત્યાં બેસેલ એક મહિલા પાસે વયો જતા મહિલાના દીકરા સહીત ત્રણ ઈસમોએ યુવકને ગાળો ભાંડી માર મારી જાનથી મારી નાખવાની ધમકી આપતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ગુન્હો દાખલ કરવામાં આવ્યો છે.
મળતી માહિતી અનુસાર, મોરબીમાં નાની વાવડી સાધુ વાસવાણી સોસાયટી બ્લોક નં.૧૫ ખાતે રહેતા દર્શનભાઈ નંદલાલભાઈ ભાનુશાળી ગત તા-૧૩/૧૧/૨૦૨૩ ના રોજ નાની વાવડી સાધુ વાસવાણી સોસાયટીમાં ફટાકડા ફોડતો હોય તે વખતે મહેસભાઈ મંગેના મમ્મી શેરીમાં બેઠેલ હોય તેની પાસે ફટાકડો ઉડીને આવતા તેમને ફટાકડો ફરી.એ તેમની ઉપર નાખેલ હોય તેમ લાગતા મહેસભાઈ મંગે તથા નિખીલ મહેસભાઈ મંગે એ ફરિયાદીને ભંડાબોલી ગાળો બોલી ઢીકા પાટુનો મુંઢ માર મારી તથા રાજુ અશોકભાઈ મંગેએ તેમની પાસે રહેલ લોખંડના પાઈપ વડે ફરી.ને ઘા મારતા માથાના પાછળના ભાગે લાગતા બે ત્રણ ટાંકા આવેલ તેમજ ફરિયાદીને જાનથી મારી નાખવાની ધમકી આપતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ છે.
