મોરબી વીસીપરા વિસ્તારમાંથી દેશી હાથ બનાવટના તમંચા સાથે યુવક પકડાયો

મોરબી બી ડિવિઝન પોલીસે વીસીપરા મેઈન રોડ ઉપર પોલીસ ચોકીની સામેથી એક યુવકને દેશી હાથ બનાવટના તમંચા સાથે દબોચી લઈ તેની વિરુદ્ધ આર્મ્સ એક્ટ તથા જીપી-એક્ટ હેઠળ ગુનો નોંધી કાયદેસરની કાર્યવાહી કરવામાં આવી છે.

પ્રાપ્ત માહિતી અનુસાર સીટી બી ડિવિઝન પોલીસ ટીમ પેટ્રોલિંગમાં હોય તે દરમિયાન ખાનગીરાહે મળેલ બાતમીને આધારે વીસીપરા મેઈન રોડ પોલીસ ચોકીની સામેથી આરોપી સીકંદર હમરૂદીન કટીયા ઉવ.૨૪ રહે- ફુલીનગર-૨ વીશીપરા મોરબી વાળાને દેશી હાથ બનાવટના તમંચા જેવા હથિયાર સાથે ઝડપી લેવાયો હતો. હાલ પોલીસે આઈઓપી સામે ગુનો નોંધી આગળની કાર્યવાહી હાથ ધરી છે.