વાંકાનેર સિટી પોલીસ મથકમાં પોક્સો એક્ટ હેઠળ નોંધાયેલા અપહરણના ગંભીર કેસમાં પાંચ મહિના થી ફરાર ચાલી રહેલા આરોપીને અમદાવાદમાંથી ઝડપી પાડવામાં સફળતા મળી છે. આરોપીએ સગીરાને લગ્નની લાલચ આપી લલચાવી અપહરણ કર્યું હતું.
વાંકાનેર શહેરમાં બનેલા સગીરાના અપહરણ અને પોક્સો એક્ટ હેઠળ નોંધાયેલા ગંભીર ગુનામાં વાંકાનેર સિટી પોલીસને મોટી સફળતા મળી છે. વાંકાનેર સિટી પોલીસ સ્ટેશનમાં નોંધાયેલા ગુના અનુસાર, ફરિયાદીની સગીર વયની દીકરીને એક અજાણ્યો ઇસમ લગ્ન કરવાની લાલચ બતાવી લલચાવી-ફોસલાવીને સાથે લઈ ગયો હતો. આ બનાવ બાદ પરિવાર અને પોલીસે તેની શોધખોળ શરૂ કરી હતી. તપાસ દરમિયાન પોલીસે ટેકનિકલ સોર્સ અને હ્યુમન ઇન્ટેલિજન્સના આધારે માહિતી મેળવી કે, આ ગુનાનો આરોપી વિજયભાઈ બકાભાઈ સિંધવ ઉવ.૧૯ મૂળ રહે. ઢુંવા માનસરોવર હોટલ પાસે, હાલ રહે. નર્સરી ચોકડી પાસે ઝૂંપડામાં વાંકાનેર વાળો ગુનાની નોંધ થયા બાદ આરોપી વિજય સિંધવ પોતાની કાયદેસરની ધરપકડથી બચવા માટે સતત સ્થાન બદલીને પાંચ મહિના સુધી પોલીસને ચકમો આપી રહ્યો હતો.
વાંકાનેર સિટી પોલીસે સતત ટેકનિકલ મોનીટરીંગ કરીને અને હ્યુમન સોર્સ મારફતે તેની હિલચાલ વિશે મહત્વની માહિતી મેળવી વાંકાનેર સીટી પોલીસે આરોપી વિજય સિંધવને અમદાવાદ ખાતેથી ઝડપી પાડ્યો હતો. પોલીસે આરોપીની કાયદેસરની ધરપકડ કરી આગળની કાયદેસરની કાર્યવાહી હાથ ધરી છે.
