મોરબી શહેરના ગાંધી ચોકથી રવાપર રોડ સુધી એક ઇસમે ૨૭/૧૨ના મોડીરાત્રીના પોતાના સ્પ્લેન્ડર મોટરસાયકલ ઉપર ખતરનાક રીતે સુતેલી હાલતમાં સ્ટંટ કર્યો હતો, જે સોશિયલ મીડિયામાં વાયરલ થયો હતો. જે આધારે પોલીસે વિડિયોની મદદથી તપાસ ચલાવી સ્ટંટમેનની ધરપકડ કરી સાથે મોટરસાયકલ પણ કબ્જે કરવામાં આવ્યું છે.
મોરબી સીટી એ ડિવિઝન પોલીસ ટીમ દ્વારા રવાપર રોડ ખાતે મોટરસાયકલ ઉપર જોખમી સ્ટંટ કરતા એક ઇસમને શોધી તેની અટકાયત કરવામાં આવી છે, જેમાં સોશિયલ મીડિયા પર વાયરલ થયેલા એક વિડિયોમાં એક ઇસમ સુતેલી સ્થિતિમાં સ્પ્લેન્ડર મોટરસાયકલ ચલાવી રહ્યો હતો અને ખતરનાક રીતે સ્ટંટ કરી રહ્યો હતો. આથી સીટી એ ડિવિઝન પોલીસે તાત્કાલિક તપાસ હાથ ધરી આરોપી મંજુરહુશૈન અશરફખાન પઠાણ ઉવ.૨૩ રહે.રવિ પાર્ક વાવડી રોડ મોરબી મૂળરહે.મકરાણીવાસ મદીના ચોકવાળાની ધરપકડ કરી છે આ સાથે પોલીસે આરોપી પાસેથી જોખમી સ્ટંટમાં ઉપયોગ કરેલ સ્પ્લેન્ડર મોટરસાયકલ ચેસીસ નં. 99A19F10044 કબ્જે કરી એમવી એક્ટ હેઠળ ગુનો નોંધી ધોરણસરની કાર્યવાહી હાથ ધરી છે.
