રાજકોટ રેન્જ આઇ.જી. અશોકકુમાર યાદવ તથા મોરબી જીલ્લા એસ.પી. મુકેશ પટેલ દ્વારા પ્રોહી-જુગારની અસામાજિક પ્રવૃતિ નેસ્તનાબુદ કરવા તેમજ પ્રોહીબીશનના ગુનામાં સંડોવાયેલ ઇસમો વિરુધ્ધ કાયદેસરની કાર્યવાહી કરી પાસા દરખાસ્ત કરવા સુચના આપવામાં આવતા હળવદ પોલીસ દ્વારા હળવદ પોલીસ સ્ટેશનના દેશી દારૂ વેચાણના ગુનામાં સંડોવાયેલ ઇસમને પાસા હેઠળ ડિટેઇન કરી જેલ હવાલે કરવામાં આવ્યો છે.
મળતી માહિતી અનુસાર, હળવદ પોલીસ સ્ટેશનના પોલીસ ઇન્સ્પેક્ટર આર.ટી.વ્યાસે હળવદ પોલીસ સ્ટેશનમાં પ્રોહીબીશનના ગુનામાં સંડોવાયેલ ઇસમ મેરૂ બાબુભાઇ વિંજવાડીયા સામે પાસા દરખાસ્ત તૈયાર કરી મોકલતા મોરબી જીલ્લા મેજીસ્ટ્રેટ તરફથી પ્રોહીબીશનના ગુનામાં સંડોવાયેલ આરોપીનુ પાસા વોરંટ ઇસ્યુ કરવામાં આવ્યું હતું. જેથી ઇસમને સત્વરે અટાકાયત કરવા હળવદ પોલીસે અલગ-અલગ ટીમ બનાવી આરોપીને પાસા એકટ તળે ડિટેઇન કરી જેલ હવાલે કર્યો છે.
