મોરબીમાં ૮૭ બોટલ દારૂ સાથે આરોપી પકડાયો: એકનું નામ ખુલ્યું

મોરબી સીટી એ ડીવીજન પોલીસ સ્ટાફે બાતમીને આધારે મોરબી પંચાસર રોડ પરથી વિદેશી દારૂના જથ્થા સાથે એક ઇસમને પકડી પડ્યો હતો.

આ અંગે જાણવા મળતી વિગત અનુસાર શહેરના પંચાસર રોડ પર આવેલ રાજનગર મહાદેવ મંદીરની પાસેથી પાણીના ટાંકા નજીક એક ઈસમ દારૂની હેરાફેરી કરતો હોવાની પોલીસને બાતમી મળતા પોલીસે દરોડો પાડયો હતો આ દરમીયાન મેકડોવેલ્સ નં .૧ સુપીરીયલ્સ વ્હીસ્કીની ૧૨ બોટલ કિ.રૂ .૪,૫૦૦ તથા ઓલ સેસન્સ ગોલ્ડન વ્હીસ્કીની ૭૫ બોટલ કિ.રૂ .૪૫૦૦૦ સહિત કુલ ૪૯૫૦૦ ની કિંમતની ૮૭ બોટલો દારૂ સાથે આરોપી તુલશી હસમુખભાઈ શંખેસરીયા (ઉ.વ .૩૨ રહે.પંચાસર રોડ રાજનગર મહાદેવના મંદીરની પાસે મોરબી)ને પોલીસે ઝડપી લીધો હતો. જે આરોપીની પૂછપરછ દરમિયાન દારૂના ગુન્હામાં આરોપી હાર્દીક બાવાજીની સંડોવણી ખુલવા પામતા પોલીસે તેને ફરારી જાહેર કરી તપાસના ચક્રોગતિમાન કર્યા છે.