રાજકોટ રેન્જ આઇ.જી. અશોક કુમાર યાદવ તથા મોરબી જિલ્લા એસ.પી. રાહુલ ત્રિપાઠીએ પ્રોહીબીશનના ગુન્હામાં નાસતા ફરતા આરોપીઓને પકડી પાડવા ખાસ ઝુંબેશનુ આયોજન કરેલ હોય જે અનુસંધાને કામગીરી કરતા દરમિયાન મોરબી એલ.સી.બી / પેરોલ ફર્લો સ્કવોડની ટીમ દ્વારા વાંકાનેર તાલુકા પોલીસ સ્ટેશનના પ્રોહીબીશનના ઇંગ્લીશ દારૂના ગુન્હામાં છેલ્લા ૮ વર્ષથી નાસતા ફરતા આરોપીને રાજસ્થાન રાજયના બાડમેર જિલ્લા ખાતેથી પકડી પાડવામાં આવ્યો છે.
મળતી માહિતી અનુસાર, મોરબી એલ.સી.બી / પેરોલ ફર્લો સ્કવોડની ટીમને ખાનગીરાહે હકિકત મળેલ કે, વાંકાનેર તાલુકા પોલીસ સ્ટેશન વિસ્તારમાં પ્રોહીબીશનના ગુન્હામાં નાસતો ફરતો આરોપી મુનીમ સુરેન્દ્રકુમાર ઉર્ફે સુરેશ ડોગીયાલ (રહે.બાડમેર (રાજસ્થાન)) બાડમેર રાજસ્થાન ખાતે હોવાની ચોકકસ અને ભરોસાપાત્ર હકીકત મળતા તુરંત એક ટીમ બનાવી બાડમેર રાજસ્થાન ખાતે મોકલતા હકીકત વાળી જગ્યાએ જઈ તપાસ કરતા સુરેન્દ્ર બીરારામ ચૌધરી બાડમેર બલદેવનગર ખાતેથી મળી આવતા તેને પકડી પાડી હસ્તગત કરી આગળની ઘટીત કાર્યવાહી અર્થે વાકાનેર તાલુકા પોલીસ સ્ટેશનને સોપી આપવામાં આવ્યો છે.
આ કામગીરી મોરબી એલ.સી.બી.નાં પોલીસ ઇન્સ્પેકટર એમ.પી.પંડયા તથા પોલીસ સબ ઇન્સ્પેકટર વી.એન.પરમાર, એસ.આઇ.પટેલ, શ્રી બી.ડી.ભટ્ટ તથા એલ.સી.બી / પેરોલ ફર્લો સ્કવોડ મોરબીના સ્ટાફના માણસો દ્વારા કરવામાં આવી હતી.
