મોરબીમાં ટ્રક યમદૂત બની વધુ એક યુવકની જિંદગી હોમી ગયો હોવાની ઘટના સામે આવી છે. જેમાં જુના ઘુટુ રોડ ઉપર એન્જલ સીરામીક સામે પુરપાટ ઝડપે જતા ટ્રકે એક્ટીવાને સામેથી હડફેટે લઇ એક્ટિવા ચાલકને ગંભીર ઈજાઓ પહોંચાડતા એક્ટિવા ચાલાક યુવકનું ઘટનાસ્થળે જ મોત નીપજ્યું હતું. જયારે એક શખ્સ ઈજાગ્રસ્ત થયો હતો. જે સમગ્ર મામલે મૃતકનાં ભાઈ દ્વારા મોરબી સીટી બી ડિવિઝન પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, મોરબીનાં ચામુંડા નગર, સો-ઓરડી વિસ્તારમાં રહેતા મુકેશભાઇ અરજણભાઇ મહાલીયાના ભાઈ નરભેરામભાઇ પરમાર (મહાલીયા) ગત તા-૨૭/૦૯/૨૦૨૩ના રોજ પોતાનુ GJ-33-H-4752 નંબરનુ એકટીવા સ્કૂટર લઈ જુના ઘુટુ રોડ ઉપરથી પસાર થઇ રહેલ હોય તે દરમિયાન GJ-36-V-3704 નંબરનાં ટ્રકના ચાલકે પોતની ટ્રક પુ૨ઝડપે અને ગફલતભરી રીતે હંકારી લાવી નરભેરામભાઇની એક્ટીવાને એન્જલ સીરામીક સામે રોડ ઉપર સામેથી ભટકાડી નરભેરામભાઇને માથાના ભાગે, જમણા હાથે તથા પીઠના ભાગે ગંભીર ઇજાઓ પહોચાડી મોત નિપજાવી તેમજ એકટીવામાં પાછળની શીટે બેઠેલ મનોજભાઇ સોલંકિ નાઓને મોઢાના ભાગે ગંભીર ફેકચર જેવી ઇજા કરી ટ્રક ચાલક ટ્રક મુકિ નાશી જતા સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ નોંધાઈ છે.
