મોરબીમાં વધુ એક મો.સાયકલ ચોરીની ફરિયાદ પોલીસ ચોપડે નોંધાઈ છે. જેમાં મોરબીના મહેન્દ્રપરા શેરી નં ૨ માં આવેલ સસ્તા અનાજની દુકાન બહાર પાર્ક કરેલ એકટીવાની કોઈ અજાણ્યો ચોર ચોરી કરી લઇ ગયાની અત્રેના સીટી એ ડિવિઝન પોલીસ મથકમાં ફરિયાદ નોંધાઈ છે. હાલ પોલીસે અજાણ્યા ચોર ઈસમ વિરુદ્ધ ગુન્હો નોંધી તપાસ શરૂ કરી છે.
મોરબીના મોચી શેરીમાં રહેતા માનવભાઈ ચંદુભાઈ ચાવડાએ મોરબી એ ડિવિઝન પોલીસ મથકમાં અજાણ્યા વાહન ચોર ઈસમ વિરુદ્ધ ફરિયાદ નોંધાવી કે માનવભાઈ રાઠોડના નામે એકટીવા રજી. જીજે-૩૬-એએ-૨૩૪૫ છે જે માનવભાઈનો મિત્ર મનીષ ભોજાણી ઉપયોગ કરે છે. ગત તા.૦૧જાન્યુ. ૨૦૨૪ના રોજ સવારના આશરે સાડા દસેક વાગ્યે મહેન્દ્રપરા શેરી નં ૨ માં આવેલ સસ્તા અનાજની દુકાન બહાર એકટીવા પાર્ક કરી સસ્તા અનાજની દુકાનમાં ગયો હોય તે બાદ આશરે બપોરના બાર વાગ્યે દુકાન બહાર નીકળેલ ત્યારે આ એકટીવા કોઈ અજાણ્યો ઈસમ ચોરી કરી ગયો હોવાનું જણાતા એકટીવા ચોરી થયાની પ્રથમ ઈ-એફઆરઆઇ કરી હતી બાદ તા. ૩૧/૦૧ના રોજ અત્રેના સીટી એ ડિવિઝનમાં એકટીવા ચોરીની રૂબરૂ ફરિયાદ નોંધાવતા પોલીસે અજાણ્યા વાહન ચોર ઈસમ વિરુદ્ધ આઈપીસી કલમ ૩૭૯ હેઠળ ગુન્હો નોંધી તપાસના ચક્રો ગતિમાન કર્યા છે.
