મોરબી જિલ્લા યુથ ક્રોંગ્રેસના પ્રમુખ પદે અલ્પેશ કોઠીયા ચૂંટાયા

રાજ્યના તમામ જિલ્લામાં યુથ ક્રોંગ્રેસના પ્રમુખ ઉપપ્રમુખ સહિતના હોદેદારો માટે ચુંટણીઓ યોજાઇ હતી. જેમા મોરબી જિલ્લામાં આવતી વિધાનસભાની ત્રણ બેઠકોના પ્રમુખની વરણી માટે ચુંટણી યોજવામાં આવી હતી.

જેમાં મોરબી જિલ્લા યુથ ક્રોંગ્રેસના પ્રમુખ તરીકે અલ્પેશ કોઠીયાનો વિજય થયો હતો. જ્યારે મોરબી માળિયા બેઠક ઉપર સંદિપભાઈ કાલરીયા, ટંકારા બેઠક ઉપર રવિભાઈ તળપદા, વાંકાનેર બેઠક બિનહરીફ હોય ત્યાં પ્રમુખ તરીકે આબિદ ગઢવાર વિજેતા બન્યા હતા. જાહેર થયેલ વિજેતાને ચોમેરથી શુભેચ્છાઓ પાઠવવામાં આવી રહી છે.

મોરબી જિલ્લા યુથ ક્રોંગ્રેસ પ્રમુખ અલ્પેશ કોઠીયાએ આ તકે જણાવ્યું હતું કે, આવનાર દિવસોમાં સમગ્ર મોરબી જિલ્લામાં ક્રોંગ્રેસ પક્ષ વધુ મજબુત બને તે માટે યુવાનોની ટીમ તૈયાર કરી અને કામગીરી શરૂ કરવામાં આવશે. અને લોકોના વિવિધ પ્રશ્નોને લઈને ઉઠાવવા તત્પર રહીશું.