વાંકાનેરમાં બોલેરો તથા બાઈક વચ્ચે અકસ્માત સર્જાતા બાઈક સવાર યુવક ઈજાગ્રસ્ત

વાંકાનેરમાં માર્ગ અકસ્માતની વધુ એક ઘટના સામે આવી છે. જેમાં યુટીલીટી બોલેરોનાં ચાલકે પંચાસર ગામમા જવાના રોડ ઉપર મોટરસાઈકલને હડફેટે લેતા મોટરસાઈકલ સવાર યુવક ઈજાગ્રસ્ત થયો હતો. જે સમગ્ર મામલે વાંકાનેર સીટી પોલીસ સ્ટેશનમાં ફરિયાદ દાખલ કરવામાં આવી છે.

મળતી માહિતી અનુસાર, વાંકાનેરનાં નવાપરા તાલડીના કારખાના પાસે રહેતા નવઘણભાઇ કાળુભાઇ દેત્રોજા ગત તા.૦૬/૧૨/૨૦૨૩ ના સવારના સમયે પોતાના હવાલાવાળુ GJ 03 HB 8822 નંબરનું હીરો સ્પ્લેન્ડર પ્લસ મોટરસાઈકલ લઇને ગેસનો બાટલો ભરાવવા માટે જતા હતા. ત્યારે GJ-36-T-3761 નંબરનાં હવાલાવાળી યુટીલીટી બોલેરો પુર ઝડપે અને બેફીકરાઇથી ચલાવી નીકળતા ફરિયાદીના મોટરસાઈકલને ભટકાડતા જમણા પગે નળાના ભાગે ફેકચર જેવી ઇજા તેમજ જમણી આંખની ઉપર મૂઢ ઇજા કરતા સમગ્ર મામલે વાંકાનેર સીટી પોલીસ સ્ટેશનમાં ગુન્હો દાખલ કરાયો છે.