મોરબી જિલ્લાનાં પંચાસર રોડ પર અકસ્માતની ઘટના સામે આવી છે. જેમાં સાઇકલ જઈ જઈ રહેલ વૃદ્ધને પાછળથી પુરપાટ ઝડપે આવતી રીક્ષાએ ઠોકર મારતા વૃદ્ધનું કમકમાટી ભર્યું મોત નીપજ્યું હતું. જયારે રીક્ષા ચાલાક પોતાની રીક્ષા લઇ ફરાર થઇ ગયો હતો. જે સમગ્ર મામલે મોરબી સીટી એ ડિવીઝન પોલીસ સ્ટેશનમાં ઇ.પી.કો. કલમ-૨૭૯, ૩૦૪(અ) તથા એમ.વી.એ. કલમ-૧૮૪, ૧૭૭, ૧૩૪, મુજબ ફરિયાદ નોંધી છે.
મળતી માહિતી અનુસાર, ગત તા. ૨૫/૧૦/૨૦૨૨ ના સવારના અરસામાં કાંતીલાલ ડાભીના ૭૧ વર્ષીય પિતા કરશનભાઈ ડાભી સાઇકલ ચલાવીને જતા હતા. ત્યારે મોરબીના પંચાસર રોડ પાસે બોખાની વાડીથી આંબાવાડી-૨ની વચ્ચે રોડ પાસેથી પસાર હતા દરમિયાન પાછળથી પુરપાટ ઝડપે આવતી GJ-૩૬-U-૭૫૩૬ નંબરની રિક્ષાના ચાલકે પોતાની સી.એન.જી.પેસેન્જર રિક્ષા વૃદ્ધની પાછળની સાઈડમાં ટક્કર મારતા વૃદ્ધ ધડાકાભેર જમીન પર પછડાયા હતા. જેના કારણે તેમને માથામાં પાછળના ભાગે તથા શરીરે ગંભીર ઈજાઓ પાહોંચતાં તેમનું મોત નીપજ્યું હતું.
