મોરબીમાં અસામાજિક તત્વોનાં આતંકી ઘટનાઓ વધતી જઈ રહી છે. ત્યારે ગઈકાલે જુના ઘુંટુ રોડ પર સોગો સિરામિક સામે આવેલ ભીડભંજન હનુમાનજી મંદિર ખાતે દર્શન કરવા ગયેલ યુવકને એક ઈસમે મંદિરે દર્શન કરવા આવાની ના પાડી યુવક પર હુમલો કર્યો હતો. જે સમગ્ર મામલે મોરબી તાલુકા પોલીસે ગુન્હો નોંધી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબીમાં અંબિકા સોસાયટી, મધુવન સોાસયટીની પાસે, જુના ઘુંટુ રોડ, ત્રાજપર ખાતે રહેતા સત્યજીતભાઇ ગોવિંદભાઇ માંડલ નામનો યુવક ગત તા.૨૬/૦૯/૨૦૨૩ ના બપોરના સમયે ભીડભંજન હનુમાનજી મંદિરે દર્શન કરવા માટે ગયેલ ત્યારે આરોપી રમેશભાઇ ટીંડાણીએ મંદિરે દર્શન કરવા આવાની ના પાડતા ફરિયાદી અને આરોપી વચ્ચે બોલાચાલી થયેલ અને આરોપી રમેશભાઇએ ફરિયાદીને ગાળો બોલી ડાબા હાથે લાકડાનો ધોકો મારી ફેકચર જેવી ઇજા પહોંચાડતા સમગ્ર મામલે મોરબી તાલુકા પોલીસ સ્ટેશનમાં ગુન્હો નોંધાયો છે.
