ગુજરાતમાં આમ તો દારૂબંધી છે. તેમ છતાં સરેઆમ વિદેશી દારૂ વેંચાતો અને પીવાતો હોવાના અનેક બનાવો સામે આવતા હોય છે. ત્યારે આવી જ એક ઘટના વાંકાનેરમાં ચંદ્રપુર ઓવરબ્રીજ પાસેથી સામે આવી છે. જેમાં એક ઈસમ પોતાની કારમાં વિદેશી દારૂની હેરાફરી કરતો ઝડપાયો છે.
મળતી માહિતી અનુસાર, વાંકાનેર સીટી પોલીસની ટીમ ગઈકાલે પેટ્રોલિંગમાં હોય દરમિયાન તેઓને બાતમી મળી હતી કે, GJ-01-BK-7844 નંબરની સેન્ટ્રો ચંદ્રપુર ઓવરબ્રીજ પાસેથી પસાર થનાર છે. જેમાં વિદેશી દારૂની હેરાફેરી થઇ રહી છે. જે હકીકતના આધારે વાંકાનેર સીટી પોલીસની ટીમે સ્થળ પર વોચ ગોઠવી રાખી સ્થળ પરથી બાતમી વાળી કાર પસાર થતા તેને રોકી પૂછપરછ કરી કારમાં તપાસ કરતા તેમાંથી પરપ્રાંતિય ઈંગ્લીશ દારૂની ROYAL CHALLENGE કંપની શીલપેકરૂ.૪૬૮૦/-ની કિંમતની ૦૯ બોટલોનો મુદ્દામાલ મળી આવતા પોલીસે કાર ચાલક વિજયભાઈ પ્રતાપભાઈ ભુસડીયા (રહે.હાલ નવા ઢુવા મુનાભાઈ ડાભીના મકાનમા તા.વાંકાનેર જી.મોરબી મૂળ રહે.ખોલડીયાદ તા.વઢવાણ જી.સુરેન્દ્રનગર)ની અટકાયત કરી કાર સહીત કુલ રૂ.૧,૦૪,૬૮૦/-નો મુદ્દામાલ કકબજે કર્યો છે.
