મોરબીમાં ગઈકાલે એક શખ્સ વિદેશી દારૂનાં જથ્થા સાથે ઝડપાયો છે. જેમાં મોરબી તાલુકા પોલીસે બાતમીનાં આધારે મોરબી તાલુકાના પીલુડી (વાઘપર) ગામની સીમ, તળાવની પાળ પાસે રેઈડ કરી એક શખ્સને વિદેશી દારૂની બોટલો સાથે પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી તાલુકા પોલીસની ટીમને પેટ્રોલિંગ દરમિયાન બાતમી મળી હતી કે, મોરબી તાલુકાના પીલુડી (વાઘપર) ગામની સીમમાંથી એક શખ્સ નીકળનાર છે જેની પાસે વિદેશી દારૂનો જથ્થો છે. જે હકીકતના આધારે પોલીસે પીલુડી (વાઘપર) ગામની સીમમાં આવેલ તળાવની પાળ પાસે વોચ ગોઠવી રાખી નરેન્દ્રસિંહ ઉર્ફે રાજભા છોટુભા જાડેજા (રહે.પીલુડી (વાઘપર), તા.જી.મોરબી) નામના શખ્સને રોકી તેની તપાસ કરતા આરોપી પાસેથી મેકડોવેલ્સ નં.૦૧ કલેકશન વ્હીસ્કીની ૦૪ બોટલનો રૂ.૧૫૦૦/-નો મુદ્દામાલ મળી આવતા પોલીસે આરોપીની અટકાયત કરી કાયદેસરની કાર્યવાહી હાથ ધરી છે.
