ટંકારાનાં લતીપર રોડ પર કૂતરા સાથે મોટરસાઈકલ ભટકતા વૃધ્ધનું મોત

ટંકારામાં માર્ગ અકસ્માતની વધુ એક ઘટના સામે આવી છે. જેમાં એક વૃધ્ધ લતીપર રોડ ઓટાળા ગામથી આગળ સિમેન્ટના કારખાના પાસેથી પસાર થઈ રહ્યા હતા. ત્યારે કૂતરું આડું ઉતારતા તેની સાથે મોટરસાઈકલ ભટકાતા વૃધ્ધને ગંભીર ઈજાઓ પહોંચતા તેઓનું સારવાર દરમિયાન મોત નીપજ્યું હતું.

મળતી માહિતી અનુસાર, ટંકારાનાં નેસડા ગામે રહેતા પોપટભાઇ પિતાબરભાઇ વાધેલા નામના વૃધ્ધ ગત તા-૨૮/૦૮/૨૦૨૩નાં સાજના સમયે પોતાનું GJ 23 F 5227 નંબરનું મોટરસાઈકલ લઈ લતીપર રોડ ઓટાળા ગામ પાસેથી પસાર થઇ રહ્યા હતા. ત્યારે સિમેન્ટના કારખાના સામે રોડ પર કુતરુ આડુ ઉતરતા મોટરસાઈકલ ભટકાતા મોટરસાઈકલ સ્લીપ ખાઇ ગયું હતું. જેના કારણે વૃધ્ધને માથાના ભાગે ગંભીર ઇજા પહોંચતા તેઓનું સારવાર દરમિયાન મોત નીપજ્યું હતું. જે સમગ્ર મામલે મૃતકના પુત્ર દ્વારા ટંકારા પોલીસ સ્ટેશનમાં ફરિયાદ દાખલ કરવામાં આવી છે.