મોરબીમાં બ્રહ્મસમાજની બહેનો માટે કરાઓકે ઓનલાઈન ગીત સ્પર્ધાનું આયોજન કરવામાં આવ્યું હતું. જેમાં બ્રહ્મ સમાજની બહેનોએ ભાગ લીધો હતો. તેમજ સ્પર્ધામાં ફાલ્ગુનીબેન કેતનભાઇ જોશીનો પ્રથમ નંબર આવ્યો હતો.
બ્રહ્મ સમાજ મોરબીનાં જણાવ્યા અનુસાર, વીણાબેન પંડ્યા દ્વારા સ્થાપિત સંહિતા મહિલા મંડળના ચેરમેન ચેતનાબેન પંડ્યાના સંકલનમાં સૌરાષ્ટ્ર-કચ્છ સમસ્ત બ્રહ્મ સમાજના મોરબી જિલાના પ્રમુખ ભરતભાઈ ઓઝા તેમજ મહામંત્રી ચિંતનભાઈ ભટ્ટ, નીરજભાઈ ભટ્ટના માર્ગદર્શનમાં કરાઓકે ગીત સ્પર્ધાનું આયોજન કરવામાં આવ્યું હતું. જેમા મોરબી શહેરના ઉંમર પ્રમાણે ત્રણે ગ્રુપ A,B,C માં C ગ્રુપમાં ફાલ્ગુનીબેન કેતનભાઇ જોશીનો પ્રથમ નંબર આવ્યો હતો. તેમજ કાર્યક્રમનું સંચાલન સૌરાષ્ટ્ર-કચ્છ સમસ્ત બ્રહ્મ સમાજ જુનાગઢ જિલ્લાના ટ્રસ્ટી હસુભાઈ જોષી જિલ્લા પ્રમુખ કે.ડી પંડ્યા, પ્રવક્તા શૈલેષ પંડ્યા, જૂનાગઢ મહિલા પાંખ પ્રમુખ આરતીબેન જોશી તેમજ દક્ષાબેન જોષી વગેરે દ્વારા થયેલ વિજેતા ફાલ્ગુનીબેન કેતનભાઇ જોશીને અભિનંદન પાઠવ્યા હતા. તેમજ ફાલ્ગુનીબેન પર સગા સબંધીઓ દ્વારા શુભેચ્છાઓનો વરસાદ કરવામાં આવ્યો હતો.
