રમત ગમત યુવા અને સાંસ્કૃતિક પ્રવૃતિઓ વિભાગ, ગાંધીનગર દ્વારા પ્રેરીત તથા કમિશ્નર યુવક સેવા અને સાંસ્કૃતિક પ્રવૃતિઓ, ગાંધીનગર દ્વારા આયોજીત અનુસુચિત જાતિના કલાકારોની લોકનૃત્યની તાલીમ શિબિર યોજાનાર છે.
આ શિબિરમાં ૧૪ થી ૩૫ વર્ષની વય ધરાવતાં અનુસુચિત જાતિના કલાકારો જ ભાગ લઈ શકશે. મધ્ય ગુજરાત પ્રદેશકક્ષાની શિબિરનું આયોજન ખેડા-નડિયાદ ખાતે તા. ૨૧ નવેમ્બર ૨૦૨૧ થી ૨૬ નવેમ્બર ૨૦૨૧ દરમ્યાન યોજાશે. જેમાં મોરબી જિલ્લાના ઇચ્છુક કલાકારો ભાગ લઈ શકશે.
આ શિબિરમાં ભાગ લેવા માટે સાદા કાગળમાં પાસપોર્ટ સાઇઝના ફોટોગ્રાફ્સ સાથે નામ, સરનામું, મોબાઈલ નંબર, કલાક્ષેત્રે કરેલ કામગીરીની સંક્ષિપ્ત વિગત લખી જિલ્લા યુવા વિકાસ અધિકારીના ઇ-મેઈલ આઈડી: [email protected] પર તા. ૧૮/૧૧/૨૦૨૧ ના રોજ સવારે ૧૧.૦૦ કલાક સુધીમાં મોકલી આપવા જિલ્લા યુવા વિકાસ અધિકારી દ્વારા જણાવવામાં આવેલ છે.
