સુરત રેલવે સ્ટેશન પરથી ગત તા.૨૨/૦૭/૨૦૨૫ના રોજ રેલવે પોલીસે એક શખ્સને નકલી ચલણી નોટોના મોટા જથ્થા સાથે ઝડપી પાડ્યો હતો. ત્યારે આ બનાવમાં વોન્ટેડ આરોપીની ગુજરાત એ.ટી.એસ. દ્વારા પશ્ચીમ બંગાલ ખાતેથી ધરપકડ કરવામાં આવી છે.
મળતી માહિતી અનુસાર, ગુજરાત એ.ટી.એસ. દ્વારા ગત તા.૨૨/૦૭/૨૦૨૫ ના રોજ સત્યનારાયણ દેવીલાલ તેલી પાસેથી ઉધના રેલ્વે સ્ટેશન ખાતેથી રૂપિયા ૫૦૦ ના દરની ૩૧૯ બનાવટી ચલણી નોટોનાં જપ્ત કરવામાં આવી હતી, જે આધારે એ.ટી.એસ. પોલીસ સ્ટેશન ખાતે તા.૨૨/૦૭/૨૦૨૫ ના રોજ ભારતીય ન્યાય સંહિતા, ૨૦૨૩ ની કલમો ૧૭૯,૧૮૦, તથા ૬૧(૨) મુજબનો ગુનો નોંધી કાયદેસરની કાર્યવાહી હાથ ધરવામાં આવી હતી. જેની તપાસ દરમ્યાન જાણવા મળ્યું હતું કે, આરોપી સત્યનારાયણ રૂ.૫૦૦/-ના દરની રૂ.૧,૫૯,૫૦૦ની કિંમતની કુલ ૩૧૯ બનાવટી નકલી ચલણી નોટો, રૂ.૫૯,૦૦૦/-અસલી ચલણી નોટોના બદલામાં પશ્ચિમ બંગાળના માલદા ખાતે રેહતા તાહિર ઉર્ફે કાલુ, સન ઓફ રયજુદીન શેખ નામના ઇસમ પાસેથી મેળવી હતી. ત્યારે પોલીસે ટેકનિકલ એનાલીસીસ આધારે પશ્ચિમ બંગાળના માલદા ખાતે રેહતા આરોપી તાહિર ઉર્ફે કાલુ, સન ઓફ રયજુદીન શેખને ઝડપી પાડવા માટે ટીમની રચના કરી હતી. અને ટીમ દ્વારા હ્યુમન ઇન્ટેલીજન્સ અને ટેકનિકલ રિસોર્સની મદદથી આ કેસના વોન્ટેડ આરોપી તાહિર ઉર્ફે કાલુ, સન ઓફ રયજુદીન શેખની પશ્ચિમ બંગાળના માલદા ખાતેથી ઝડપી પાડી અટકાયત કરી કાયદેસરની કાર્યવાહી હાથ ધરવામાં આવી છે
