વાંકાનેરમાં માર્કેટિંગ યાર્ડમાં કપાસનું વેચાણ કરી રિક્ષામાં પરત ફરી રહેલ ખેડૂતના ખિસ્સામાં રહેલ અને કપાસ વેચાણ અર્થે આવેલ રોકડ રકમ ની તેની સાથે રિક્ષામાં બેસલ ઈસમ ચોરી કરી લઈ જતા સમગ્ર મામલે વાંકાનેર સીટી પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, વાંકાનેરમાં ખેરવા પૃથુભા ઝાલાની વાડીની ઓરડીમા રહેતા દીતેલીયાભાઈ ઉર્ફે રમેશ ભલજીભાઈ રાઠવા ગત તા.૧૧/૦૨/૨૦૨૩ ના રોજ બપોરના સમયે પોતાની કપાસનું વાંકાનેર માર્કેટીંગ યાર્ડમા વેચાણ કરી જી.જે ૫૯૮૫ નંબરની સી.એન.જી. રીક્ષામાં કપાસ વેચી તેમાંથી મળેલ રૂ.૫૬,૭૦૦/- લઇ જઈ રહ્યો હતો. ત્યારે તે જ રિક્ષામાં તેની સાથે બેસેલ આશરે ૨૫ થી ૩૦ વર્ષની ઉમરના ઈસમે ખેડૂતને ખબર ન પડે તે રીતે તેના ખિસ્સામાં રહેલ રૂ.૫૬,૭૦૦/-ની ફરીયાદીની નજર ચુકવી ચોરી કરી હતી. જે મામલે વાંકાનેર સીટી પોલીસ સ્ટેશનમાં ફરિયાદ દાખલ કરાવામાં આવી છે.
