વાંકાનેરમાં રાજાવડલા રોડ ઉપર ઘર પાસે પાર્ક કરેલ બાઈક તસ્કરો હાંકી ગયા

વાંકાનેર સીટી વિસ્તારમાં આવેલ રાજાવડલા રોડ ઉપર આવેલ ઘર પાસે પાર્ક કરેલ બાઈક કોઈ અજાણ્યા તસ્કરો દ્વારા ચોરી કરી લઇ જવામાં આવતા બાઈક ધારક દ્વારા વાંકાનેર સીટી પોલીસ મથકમાં ફરિયાદ નોંધાવવામાં આવી છે.

પ્રાપ્ત માહિતી મુજબ વાંકાનેરમાં રાજાવડલા રોડ ઉપર આવેલ ગુલાબનગર ખાતે ઘર પાસે પાર્ક કરેલ નદીમભાઈ કમાલભાઈ કુરેશીના હીરો હોંડા સ્પ્લેન્ડર પ્લસ રજી. જીજે-૦૩-એચએમ-૮૫૪૪ બાઈકની કોઈ અજાણ્યા વાહન ચોર ઈસમ દ્વારા ચોરી કરી લઇ નાસી ગયા હોવાની પ્રથમ ઈ-એફઆઇઆર નોંધાવ્યા બાદ વાંકાનેર સીટી પોલીસ મથકમાં રૂબરૂ ચોરી અંગેની ફરિયાદ નોંધાવતા પોલીસે અજાણ્યા ચોર તસ્કરો સામે ગુનો નોંધી વધુ તપાસ ચલાવી છે.