ટંકારા પોલીસ દ્વારા ગઈકાલે વાહન ચેકીંગ કરવામાં આવી રહી હતી. તે દરમિયાન પોલીસે એક શંકાસ્પદ શખ્સને રોકી હીરો સ્પ્લેન્ડર બાઈક અંગે પૂછપરછ કરી તપાસ કરતા બાઈક જોધપર ગામેથી ચોરી થઇ હોવાનું સામે આવ્યું હતું. જેથી પોલીસે વાહન ચાલાક આરોપીની અટકાયત કરી કાયદેસરની કાર્યવાહી હાથ ધરી છે.
મળતી માહિતી અનુસાર, ટંકારા પોલીસની ટીમ ટંકારા પોલીસ સ્ટેશન સામે વાહન ચેકીંગમાં હતી. તે દરમ્યાન એક ઇસમ મોટર સાયકલ ચલાવી નીકળતા પોલીસે ઇસમને રોકી મોટરસાઇકલની આર.સી.બુક આધાર પુરાવા માંગતા ગલ્લા તલ્લા કરી કોઇ સંતોષકારક જવાબ આપતો ન હોવાથી પોલીસે પોકેટકોપ/ઇ-ગુજકોપ એપ્લીકેશનમાં મો.સા. નંબર GJ-20-BH-3021 તથા એન્જીન ચેસીસ નંબર સર્ચ કરી જોતા મોટરસાઇકલ ઓનર કમલેશભાઇ અભસિંગભાઇ પલાસ હોય અને ફરીયાદી વિજયભાઇ અભલાભાઇ ઉર્ફે અભેસિંગ પલાસે તા.૦૪/૧૨/૨૦૨૫ ના રોજ મોટરસાઈકલ ચોરીની ઇએફ.આઇ.આર. દાખલ કરાવી હતી. જે અંગે ખરાઇ કરતા ગઇ તા-૧૮/૧૧/૨૦૨૫ રાત્રીના જોધપર ઝાલા ગામે વાડી વિસ્તારમાંથી ચોરી થયેલાની ફરીયાદ દાખલ થઇ હતી. જેઠો પકડાયેલ ઇસમ મુકેશભાઇ અભેસીંગ સંગાડાએ આ મોટરસાઇકલ ચોરી કરેલાની કબુલાત આપતા પોલીસે હીરો સ્પ્લેન્ડર પ્લસ કબ્જે કરી કાયદેસરની કાર્યવાહી હાથ ધરી છે.
