મોરબી-કંડલા બાયપાસ રોડ પર અજાણ્યાં વાહન અડફેટે બાઇકચાલકનું મોત

મોરબી-કંડલા બાયપાસ રોડ અમરેલી ગામના પાટિયા નજીક અજાણ્યાં વાહનની આડફેટે બાઇક ચાલકનું મોત થયું હોવાનું સામે આવ્યું છે.

આ બનાવ અંગે મોરબી તાલુકા પોલીસ મથકેથી જાણવા મળતી વિગત અનુસાર મોરબી-કંડલા બાયપાસ રોડ અમરેલી ગામના પાટિયા પાસે અજાણ્યાં વાહન ચાલકે પોતાનું વાહન બેફામ સ્પીડે ચલાવી મુન્નાભાઈને બાઇક રજિ.નં. GJ-36-AB- 8816 વાળાને હડફેટમાં લઇ અકસ્માત સર્જ્યો હતો. આ બનાવમાં બાઇક ચાલકને પગમા તેમજ માથાના ભાગે ગંભીર ઇજા પહોચાતા તેઓનું મોત નીપજ્યું છે ત્યારબાદ વાહન ચાલક પોતાનું વાહન લઈ નાશી જતા મૃતકના પિતા વિજયભાઈ જગાભાઈ ચાવડાએ પોલીસ સ્ટેશનમાં જાહેર કર્યું છે.