18મી લોકસભાની ચૂંટણી 19 એપ્રિલથી 1 જૂન સુધી સાત તબક્કામાં યોજાઈ હતી, આજે એટલે કે 4 જૂન મંગળવારે ચૂંટણીના પરિણામો જાહેર થઈ રહ્યાં છે. ત્યારે સુરેન્દ્રનગર લોકસભા બેઠક પર મત ગણતરીના અંતે ભાજપના ઉમેદવાર ચંદુભાઈ શિહોરા વિજેતા થયા છે.
સુરેન્દ્રનગર લોકસભા બેઠક પર મત ગણતરીના અંતે ભાજપના ઉમેદવાર ચંદુભાઈ શિહોરા વિજેતા થયા છે. કુલ ૨૪ રાઉન્ડના અંતે ભાજપના ઉમેદવાર ચંદુભાઈ શિહોરાને ૬,૬૨,૬૨૨ મત મળ્યા હતા. જ્યારે કોંગ્રેસના ઉમેદવાર ઋત્વિક મકવાણાને ૪,૦૨,૫૦૪ મત મળ્યા હતા. જેથી ભાજપના ઉમેદવાર ચંદુભાઈ શિહોરાની ૨,૬૦,૧૧૮ મતથી જીત થઇ છે. જો કે, ભાજપે રાજકોટ ગેમઝોનમાં અગ્નિકાંડના દુઃખદ બનાવને લીધે જીતની ઉજવણી મોકૂફ રાખી છે. તેમજ ભાજપના ઉમેદવાર ચંદુભાઈ શિહોરાએ રાજકોટ ગેમઝોનની દુઃખદ ઘટના અંગે શોક વ્યક્ત કર્યો છે. ભાજપના ઉમેદવાર ચંદુભાઈ શિહોરાએ લોકસભાના તમામ મતદારોનો ભવ્ય જીત બદલ આભાર પણ વ્યક્ત કર્યો છે.
