માળીયા(મી)માં દેશી દારૂની ભઠ્ઠી સાથે બુટલેગર ઝડપાયો

મોરબી : માળીયા પોલીસે ગઈકાલે બાતમીના આધારે માળીયાના નવાગામ પાસે આવેલ તળાવના કાંઠે બાવળના ઝુડમા ચાલતી દારૂની ભઠ્ઠી સાથે બુટલેગરને પકડી પાડી આગળની તપાસ હાથ ધરી છે.

માળીયા(મી) પોલીસ સ્ટાફે આરોપી દાઉદભાઇ ઇશાભાઇ જામ (ઉવ.૪૩ ધંધો મજુરી રહે. નવાગામ તા. માળીયા મી.)વાળો નવાગામ પાસે આવેલ તળાવના કાંઠે બાવળના ઝુડમા દારૂની ભઠ્ઠી ચલાવતો હોવાની બાતમીના આધારે ત્યાં રેડ કરતા દેશી પીવાનો દારુ બનાવવાનો ભઠી ચલાવી દેશીદારૂ ગાળવાનો આથો ગાળી દેશી દારૂ બનાવતા રેઇડ દરમ્યાન ગરમ આથો લીટર-૫૦ કિ.રૂ.૧૦૦/- તથા ઠંડા આથો લીટર ૧૦૦ ની કિ.રૂ.૨૦૦/-તથા દેશી દારૂ ના કેરબામા દારૂ લી-૧૦ કિ.રૂ.૨૦૦/- તથા ભઠ્ઠીના સાધનો એલ્યુમીનીયમ નુ બકડીયુ નંગ-૧ કી રૂ ૦૦/૦૦-તથા પાતળી નળી નંગ-૧ કિ રૂ ૦૦/૦૦- મળી કુલ કિ.રૂ.૫૦૦/-ના મુદામાલ સાથે રેઇડ દરમ્યાનદરમ્યાન આરોપી હાજર મળી આવતા તેને ઝડપી લીધો હતો.